Upplýsingar

Afgreiðsla pantana

Prótín.is er netverslun.
Hjá Prótín.is er boðið uppá að fá vörur sendar heim eða að sækja þær í vöruafgreiðslu okkar í Síðumúla 15 í Reykjavík, bakatil á húsinu. 
Vöruafgreiðslan er opin mánudaga-föstudaga frá 12:00-18:00..
Pantanir sem sóttar eru í vöruafgreiðslu eru tilbúnar til afgreiðslu samdægurs, þegar vöruafgreiðslan er opin.

Íslandspóstur sér um dreifingu allra pantana fyrir Prótín.is  Því gilda afhendingar-, ábyrgðar og flutningsskilmálar Íslandspósts um afhendingu.  Til að gæta fyllsta samræmis eru allar pantanir út á land sendar á næsta pósthús.
Prótín.is reynir eftir fremsta megni að afgreiða allar pantanir eins fljótt og auðið er.  Flestar pantanir fara í dreifingu samdægurs (eru afhentar Póstinum til áframhaldandi dreifingar), en almennt áskilur Prótín.is sér rétt til að taka allt að 1 virkan dag í afgreiðslu pöntunar.  Frá því pakki er afhentur Póstinum líður alla jafna 1 virkur dagur þar til pakkinn er keyrður heim til viðtakanda, eða er tilbúinn til afhendingar á næsta pósthúsi eftir því hvort við á.
Pósturinn veitir allar nánari upplýsingar um afhendingartíma í heimsendingu, sjá postur.is.

Prótín.is afgreiðir eingöngu pantanir sem greitt hefur verið fyrir, nema samið hafi verið um annað (t.d. sent með póstkröfu).  Það er því mjög mikilvægt að ganga strax frá millifærslu að pöntun lokinni ef sá greiðslukostur hefur verið valinn.
Þar sem Prótín.is er netverslun, er gengið útfrá því að pantanir séu gerðar á vefsíðu Prótín.is, áður en sótt er í vöruafgreiðslu.  
Hægt er að versla á staðnum, en Prótín.is áskilur sér rétt til að bæta 500 kr. við verð hverrar vöru sem ekki hefur verið pöntuð fyrirfram.
Einnig er hægt að gera pöntun í gegnum síma (551-1066), tölvupóst (protin@protin.is) eða í facebook skilaboðum, en Prótín.is áskilur sér rétt til að innheimta 500 kr. bókunargjald fyrir hverja pöntun sem gerð er með öðrum hætti en í gegnum netverslun.

Prótín.is áskilur sér einnig rétt til að fella niður pantanir eða neita viðskiptum ef skilmálum fyrirtækisins er ekki mætt.

Sendingarkostnaður

 
Sendingarkostnaður er fastur 990 kr. per sendingu, óháð upphæð.
Sjá nánar skilmála um skilarétt.


Greiðslumöguleikar


Prótín.is býður 4 möguleika á greiðslu:
1.  Að greitt sé með millifærslu að pöntun lokinni.  Upplýsingar um reikningsnúmer koma fram á staðfestingu pöntunar sem kaupanda berst í tölvupósti.
2.  Greitt í póstkröfu.  Sé það valið þá eru vörur sendar til kaupanda og hann greiðir fyrir vörurnar við móttöku.  Kostnaður við póstkröfu er 2% af heildarupphæð innkaupakörfu, að lágmarki 500 kr.  sem bætast þá aukalega við verð innkaupakörfu + sendingarkostnað.  500 kr. (að lágmarki) er það gjald sem Íslandspóstur tekur fyrir umsjón póstkröfu.  Viðskiptavinur hefur 14 daga til að innleysa póstkröfu á næsta pósthúsi (ef við á), að þeim tíma liðnum er pakki endursendur til Prótín.is.
3.  Greitt með kreditkorti.  Sé valið að greiða með kreditkorti færist viðskiptavinur sjálfkrafa yfir á öruggt svæði hjá Borgun, þar sem gengið er frá greiðslunni.  Þau kort sem hægt er að greiða með má nánar sjá neðst á forsíðu Prótín.is eða hjá Borgun.
4.  Greitt við afhendingu.  Þessi möguleiki er einungis í boði þegar vörur eru sóttar í vöruafgreiðslu okkar.  Þar er hægt að greiða með debet- eða kreditkortum, sem og í reiðufé.


Skilaréttur


Viðskiptavinir geta fengið vörur að fullu endurgreiddar ef þeim er skilað í upprunalegu ástandi innan 14 daga frá afhendingu vörunnar.  Undantekningar geta þó átt við ef það er sérstaklega tekið fram, t.d. um vörur sem seldar eru með afslætti vegna dagsetninga eða annarra ástæðna.
Sendingarkostnaður fæst ekki endurgreiddur.
Prótín.is áskilur sér rétt til að gjaldfæra sendingarkostnað kr. 990 ef pöntunum, sem fengið hafa fría heimsendingu, er skilað að hluta eða öllu leyti.
Endursending vara er á ábyrgð og kostnað kaupanda, nema viðskiptavinur hafi fengið rangar/skemmdar vörur afhentar.
Ef viðskiptavinur vill skila/skipta vörum eða hefur fengið rangar vörur afhentar, skal hann/hún hafa samband í síma 551-1066 eða á protin@protin.is.


Vörur og framboð


Prótín.is áskilur sér rétt til að breyta verðum og/eða hætta með tilteknar vörur án fyrirvara.  Einnig áskiljum við okkur rétt til að hætta við framkvæmdar pantanir vegna rangra verðupplýsinga.
Ósóttar pantanir sem ekki hefur verið greitt fyrir eru felldar niður hafi þeirra ekki verið vitjað að 14 dögum liðnum.
Prótín.is geymir pantanir sem greitt hefur verið fyrir í allt að 90 daga.  Ef pantana hefur ekki verið vitjað að þeim tíma loknum áskilur Prótín.is sér rétt til að fella pöntun niður án endurgreiðslu.
Tilboðs- og frívörum er ekki hægt að skipta eða skila nema í undantekningartilfellum.

Öll uppgefin verð á Prótín.is eru með virðisaukaskatti.  Virðisaukaskattur á fæðubótarefnum er 11% en 24% á öðrum vörum (fylgihlutum eins og brúsum og fl.).
Sendingarkostnaður ber 24% virðisaukaskatt.